فقير وعندي المال الكثير

فقير وعندي المال الكثير .. فقير وملبسي غالي حرير

وياصاحبي الحافي الفقير .. ابنشدك .. ابسئلك .. وشهو الحصير

وابسئلك وشلون أنا أمر وانهي

واذا حكيت قبل انتهي من كلمتي .. يقالي سـم ويصير

ولاشكيت من غفلتي طول زمنها .. يقالي لا تشتكي ما خلقت الشكوى لأمير

وابسئلك وشلون أنا مع كل ذا .. أقول عن نفسي فقير؟؟؟

يا صاحبي لاصار للضحكه ثمن .. وصاروا اصحابي كثير .. بس بثمن

والوفاء مابه وفاء إلا بثمن .. ابسئلك ماني فقير ؟؟؟

وان صارت أقوالي حكم .. وان قالها غيري غدت .. حكي قديم

ابسئلك ماني فقير؟؟ .. ولاصرت أنا مانيب أنا

ولا غلطت .. قالوا صحيح وكل شي اعمله يصبح عظيم

ابسئلك يا صاحبي ماني فقير؟

وياصاحبي ابنشدك اذا جفتني دنيتي .. وابتدا الدرب الطويل إلي ابد ما ينتهي

وانتهي العز القديم وما كنت أظنه ينتهي .. والموت بدد فرحتي ..

وحطوني في قبر صغير

وحزنوا علي .. وبكوا هلي .. وناس من ربعي قليل .. وارتاح من وجهي كثير

وبقيت وحدي في حيرتي مافيه أحد .. لاطال عمرك ولا تحت أمرك

ماغير أنا وخوف ولحد وحساب قدامي عسير

وقتها ذكرت اني من زمان .. يوم انه امهلني الزمان

هذا جرحت هذا ظلمت ياما كذبت .. وذنوبي ماتحصي كثير

وقتها إذا ندمت ونفسي كرهت .. عرفت أن الله كبير وان الهلاك اصبح أكيد

واني أنا مالي رجاء .. ولا هروب من الدجاء .. من الجحيم الا بأمل عندي وحيد

إن الله غفار ورحيم

ابسئلك يا صاحبي عني انا في وقتها .. ماني فقير؟؟؟

» حصرى اغنيه (رجب البرنس) "المال الحرام"